საინფორმაციო პორტალმა „აიტივიმ" საკრებულოს ავჭალის მაჟორიტარი დეპუტატის კობა კობალაძის შესახებ სიუჟეტი მოამზადა. სიუჟეტი ქუჩის გამოკითხვით სრულდება, საიდანაც ირკვევა, რომ ამომრჩევლები კობა კობალაძეს არ იცნობენ. როგორც აღმოჩნდა ჟურნალისტმა, რომელმაც სიუჟეტი მოამზადა, ქუჩის გამოკითხვა არ ჩაატარა იმ უბანში, რომელიც კობა კობალაძის დაქვემდებარებაშია. შეგახსენებთ, რომ კობალაძე საკრებულის ავჭალის მაჟორიტარი დეპუტატია, გამოკითხვა კი, სადაც მოქალაქეები კობალაძის შესახებ საუბრობენ, რეალურად მომიჯნავე ოლქის - ნაძალადევის ტერიტორიაზე ჩატარდა.