ორგანიზაცია „მწვანე მუშტის" დამფუძნებელი ლევან ლორთქიფანიძე ისტორიას იხსენებს, რომელიც მას ათენის აეროპოტში გადახდა...
„დაახლოებით ერთი წლის წინ ათენის აეროპორტში გახლდით, ევანგელოს ვენიძელოსის სახელობის აეროპორტში. თვითმფრინავიდან ჩამოსვლის შემდეგ, რეგისტრაციის დაწყებმდე კოპებშეყრილმა პოლიციელმა მგზავრები ორად გაგვანაწილა. ევროპელები აქეთ დადექით და დანარჩენები, ვისაც ვიზის შემოწმებაც გჭირდებათ რიგს დაელოდეთო. კინაღამ ფეხსაცმელებიდან ამოვხტი, კიდევ კარგი სიმძიმემ არ გამიშვა. ქართულად ვეჩხუბე სამართალდამცველს, კარგი ვიზა შემიმოწმეთ, მაგრამ მეც და ეს ვიეტნამელიც (პატივს ვცემ მათ კულტურას, მაგრამ მას ევროპასთან იმპერიალიზმის გარდა ხომ არაფერი აქვს საერთო) ორივენი არაევროპელები ვართ-მეთქი.
გაოგნებული მიყურებდა პოლიციელიც და ვიეტნამელიც. ბოლოს ორივეს მივაძახე, დადგება დრო და ჩვენც იქით დავდგებით-მეთქი. ეს დროც დადგა. ჯერ ყველაფერი წინაა ..."- წერს ლორთქიფანიძე.
