„საქართველოს განვითარების ფონდის" დამფუძნებელმა პაატა ბურჭულაძემ რუსეთის ფედერაციის პრეზიდენტის, ვლადიმირ პუტინის განცხადება შეაფასა. ბურჭულაძის თქმით, პუტინის განცხადება, საქართველოსთან ვიზის გაუქმებასთან დაკავშირებით ნდობას არ იმსახურებს.

"ჩვენ ხშირად ვუშვებთ შეცდომას, რადგან ძალიან ვენდობით სხვა ქვეყნის პოლიტიკოსებს. მგონი, ზედმეტი ნდობა არ გვინდა", - აღნიშნა პაატა ბურჭულაძემ.

პაატა ბურჭულაძე ვიზალიბერალიზაციასთან დაკავშირებით ევროკომისიის მიერ გამოქვეყნებული პოზიტიური დასკვნაც შეაფასა. "გილოცავთ, ეს დიდი წარმატებაა საქართველოსთვის, უვიზო მიმოსვლა, რომელიც მალე შევა ძალაში და ეს არის ევროპისკენ გადადგმული ერთი კარგი ნაბიჯი", - განაცხადა პაატა ბურჭულაძემ.