არასამთავრობო ორგანიზაცია „თავისუფალი თაობის" ლიდერი ლადო სადღობელაშვილი ევროკომისიის დასკვნას ვიზალიბერალიზაციასთან დაკავშირებით ხელისუფლების ერთ-ერთ უმნიშვნელოვანეს გამარჯვებად მიიჩნვეს და აღნიშნავს, რომ „ნაციონალური მოძრაობისგან" განსხვავებით, საქართველოს პრემიერ-მინისტრის მეთაურობით, მოქმედმა ხელისუფლებამ მისი მუშაობის შედეგიც ძალიან მალე მიიღო.

„ახლა უკვე ზოგიერთი ნაძირალა ვეღარ იტყვის იმას, რომ დღევანდელი ხელისუფლება პრორუსულია, რამეთუ ირაკლი ღარიბაშვილის მეთაურობით ჩვენმა მთავრობამ დაანახა მსოფლიოს, რომ ჩვენ ქართველები ვირჩევთ რეალურ ევროპულ გზას და არა იმ სიყალბეს, რასაც სააკაშვილი წლების განმავლობაში გვტენიდა. მანახეთ ერთი შედეგი, რომელიც „ნაციონალურმა მოძრაობამ" ხელისუფლებაში ყოფნისას დადო. დღევანდელმა მთავრობამ 3 წელიწადში შეძლო ის რაც წინა ხელისუფლებამ ვერ შეძლო 10 წლის განმავლობაში. ასოცირება და ახლა უკვე ვიზალიბერალიზაცია, ეს არის გამარჯვება და წინსვლა საგარეო პოლიტიკის კუთხით. გარდა ამ ყველაფრისა რაც მთავარია ვერც ერთი შეურაცხადი ვეღარ გაბედავს თავის ვითომ პროდასავლური ორიენტაციით სპეკულირებას,  ვგულისხმობ თუნდაც „რესპუბლიკურ პარტიას". რეალობა ასეთია - ღარიბაშვილის მეთაურობით (და არა რესპუბლიკური პარტიის) ხელისუფლებამ შეძლო პრაქტიკულად შეუძლებელი!

p.s. არც ერთ ვითომ ექსპერტს აღარ აქვს უფლება თქვას,  რომ კოალიციის პროდასავლურობას „რესპუბლიკური პარტია" უზრუნველყოფს! ეს ტყუილია! კოალიციის პროდასავლურობის პასუხისმგებელი და გარანტი არის პარტია „ქართული ოცნება". მთავრობამ აჩვენა რეალური საქმე ლაპარაკის ნახვლად!"- აღნიშნავს სადღობელაშვილი.