სააგენტო „როიტერის" მიერ გავრცელებული ინფორმაციით, სომალის დედაქალაქ მოგადიშოში ძლიერი აფეთქების შედეგად სულ მცირე 3 ადამიანი დაიღუპა, უამრავი კი დაშავდა. 

„BBC"-ს ცნობით, მოგადიშოს ერთ-ერთ ცენტრალურ ქუჩაზე დანაღმული ავტომობილი აფეთქდა.

სააგენტო „ფრანს პრესის" ცნობით, ადგილზე მისული სამართალდამცველების მიმართულებით ცეცხლი გახსნეს.

სამართალდამცავი ორგანოები არ გამორიცხავენ, რომ აფეთქების შედეგად დაღუპულთა რიცხვი კიდევ უფრო გაიზრდება.

„BBC"-ს ცნობით, ბოლო რამდენიმე კვირის განმავლობაში სომალიში ტერაქტები ისლამისტურმა დაჯგუფება „აშ-შაბააბმა" განახორციელა.