სახელმწიფო დაცვის სპეციალური სამსახურის მიერ ორგანიზებული ორდღიანი უწყებათაშორისი კონფერენცია ტერორიზმისა და უსაფრთხოების საკითხებზე დასრულდა. კონფერენციის მონაწილეებმა ორდღიანი მუშაობის შედეგები შეაჯამეს.
კონფერენციაზე ძალოვანი სტრუქტურების წარმომადგენლები და დარგის ექსპერტები გაეცნენ ტერორიზმთან ბრძოლის ეროვნული სტრატეგიის ძირითად ასპექტებს.
კონფერენციის მონაწილეების შეფასებით, აღნიშნული სტრატეგიის იმპლემენტაცია ხელს შეუწყობს სახელმწიფო სტრუქტურების ყოველმხრივ მობილიზებას და საერთაშორისო სტანდარტთან დაახლოებას.
ღონისძიების მონაწილეებმა, ექსპერტების აქტიური ჩართულობით, გაანალიზეს საერთაშორისო და რეგიონალური მდგომარეობა. ისაუბრეს რეკომენდაციებზე არსებული საშინაო და საგარეო საფრთხეების ნეიტრალიზების მიზნით.
შეხვედრებს სისტემატური ხასიათი მიეცემა.
