რუსეთის პრეზიდენტმა ვლადიმირ პუტინმა უკრაინის შს მინისტრის არსენ ავაკოვისა და ოდესის გუბერნატორის მიხეილ სააკაშვილის დაპირისპირებას „ტრაგიკომედია" უწოდა. ამის შესახებ სააგენტო „რია ნოვოსტი" წერს. გამოცემის ინფორმაციით, აღნიშნული განცხადება პუტინმა რუს ჟურნალისტ ვლადიმირ სოლოვიოვის დოკუმენტურ ფილმში გააკეთა, რომლის ფრაგმენტიც ჟურნალისტმა სოციალური ქსელით გაავრცელა.
„ის, რომ რუსულ ენაზე ჩხუბობენ - კარგია. კიდევ კარგი, რომ ქართული ან ოსური არაა, მაგრამ ეს ხომ სასაცილოა, ეს ნამდვილი ტრაგიკომედიაა", - განაცხადა პუტინმა.
არსენ ავაკოვსა და მიხეილ სააკაშვილს შორის სიტყვიერი შელაპარაკება 14 დეკემბერს, უკრაინის რეფორმების ეროვნული საბჭოს სხდომაზე მოხდა, რაც დროსაც უკრაინის შს მინისტრმა სააკაშვილს წყალი შეასხა. ინციდენტის შემდეგ ავაკოვმა სააკაშვილს უჩივლა და სასამართლოში სარჩელი პატივისა და ღირსების დაცვის შესახებ შეიტანა.
