შს მინისტრის მოადგილე შალვა ხუციშვილი აცხასდებს, რომ უწყების საკანონმდებლო ინიციატივის განხილვაში მონაწილეობას იღებდნენ ექსპერტები და სამინისტრომ მათი აზრი ბევრ საკითხში გაითვალისწინა. როგორც ხუციშვილმა „კვირის ქრონიკას" განუცხადა, დაგეგმილი იყო ავტობანზე სიჩქარის გაზრდა 135-140 კმ/სთ-მდე, რაზეც ექსპერტებმა უარი განაცხადეს და უწყებამ მათი რეკომენდაცია გაითვალისწინა.
„შევხვდით თითქმის ყველას, ვინც ამ სფეროში მუშაობს - დაწყებული ჩვენს მიმართ კრიტიკული განწყობის მქონე სპეციალისტებით და გაგრძელებული ნეიტრალური ექსპერტებით - კრიტიკულადაც რომ არიან განწყობილნი და მიღწევებსაც რომ აღიარებენ. შევხვდით ყველას, მათ შორის ბატონ ურუშაძეს, რომელიც ამ კუთხით აქტიურობით ყველაზე მეტად გამოირჩევა. ეს პროექტი სხვა მიმართულებებსაც მოიცავდა - მაგალითად, ავტობანზე სიჩქარე იზრდებოდა 135 - 140 კმ/სთ სიჩქარემდე, რაზეც უარი თქვეს იმ მოტივით, რომ ეს საფრთხის შემცველი იქნებოდა და ჩვენ ეს პუნქტი ამოვიღეთ", - განაცხადა ხუციშვილმა.
წყარო: „ალია" - „ქრონიკა"
