„ნუ მოჭრი ნაძვს!" - ამ სახელწოდებით გარემოს დაცვის სამინისტრო წინასაახალწლოდ კამპანიას იწყებს.  განცხადება მინისტრმა გიგლა აგულაშვილმა ეროვნულ-სანერგე მეურნეობაში გამართულ ბრიფინგზე გააკეთა. წიწვოვანი ნარგავების უკანონო მოპოვების რეალიზაციის აღკვეთის მიზნის, გარემოს დაცვითი ზედამხედველობის დეპარტამენტი მთელი ქვეყნის მასშტაბით პრევენციულ ღონისძიებებს გაატარებს.

„ვაპირებთ, კანონის მთელი სიმკაცრით მოვეპყრათ იმ ადამიანებს, რომლებიც ასე უმოწყალოდ ანადგურებენ ნაძვის ხეებს. გვინდა, ჩვენს თანამოქალაქეებს, ვისაც აქვთ სურვილი, საახალწლოდ ნამდვილი ნაძვის ხე ჰქონდეთ სახლში, შევთავაზოთ ახალი სერვისი. ამ სერვისის შესაბამისად, შევთავაზებთ ჩვენს სანერგე მეურნეობაში გამოყვანილ, ქოთანში გაზრდილ ნაძვის ხეებს", - განაცხადა გიგლა აგულაშვილმა.

ტყის უკანონო მოსპობისთვის გათვალისწინებულია ჯარიმა 200-დან 400 ლარამდე.