უკრაინის შს მინსტრი არსენ ავაკოვი მიხეილ სააკაშვილთან მომხდარი ინციდენტის მიზეზებს განმარტავს. ოდესის გუბერნატორთან მომხდარი ინციდენტის გამო ავაკოვმა საზოგადოების წინაშე ბოდიში მოიხადა და განაცხადა, რომ მისი სიტყვები ქსენოფობიურ კონტექსტს არ შეიცავდა. ავაკოვის თქმით, საქართველო სააკაშვილის მმართველობის შედეგად პრორუსული ძალებისკენ იხრება, რაც უკრაინაში არ უნდა განმეორდეს.
„მე არ ვთხოვ პატიებას ბატონ მიხეილს, უბრალოდ, ბოდიშს ვუხდი იმ ადამიანებს, ვინც ეს ყველაფერი ნახა. ჩემს ადგილზე შეიძლება ნებისმიერი ყოფილიყო . მან მითხრა, რომ სააკაშვილია და როგორ ვბედავდი მასთან ასე ლაპარაკს. როდესაც მე მას ვუთხარი, თუ სადამდე მიიყვანა თავისი ქვეყანა, ამაში არანაირი ქსენოფობიური კონტექსტი არ ყოფილა, ბოლოს და ბოლოს მეც სომეხი ვარ. მე ვიგულისხმე, რომ იმ სამუშაოს შემდეგ, რაც მიხეილმა საქართველოში გაატარა, საქართველო დღეს უფრო და უფრო იხრება პრორუსული ძალებისკენ. მე არ მინდა, ეს მეთოდები უკრაინაში გადმოიტანოს. იმ სხდომაზე მან სიტყვის თქმის საშუალება არ მომცა, რაც ჩემთვის ყოვლად მიუღებელია", - განაცხადა ავაკოვმა.
