„დამპლობები რეჟიმის პროკურატურის მიერ ბ.გუგუშვილის დაკითხვის შეკითხვებში და ბ.გუგუშვილის პასუხები", - ამ სათაურით საქართველოს პირველი პრემიერ-მინისტრი ბესარიონ გუგუშვილი facebook-პოსტს აქვეყნებს, რომელსაც გთავაზობთ:
„ჩვენ მივიღეთ მოთხოვნა დაგკითხოთ, როგორც მოწმე ბატონ ზვიად გამსახურდიას (საქართველოს პირველი პრეზიდენტი 1991-1992 ! ) მკვლელობის საქმეზე."
პრეზიდენტი ზ.გამსახურდია საქართველოს რეჟიმის შეკითხვებში მოიხსენიება როგორც „ყოფილი პრეზიდენტი", მაგ.: „6. ...former president" (აგრეთვე შეკითხვებში 50, 51)
ბ.გუგუშვილის პასუხი:
ზემოთაღნიშნული ფაქტი ჩემთვის ძალზე არსებითი საფუძველია - რათა არ მივიღო მონაწილეობა ისეთ მხარის „გამოძიებასა" და „დაკითხვაში" რომელიც არ იღებს მხედველობაში, რომ თვითმკვლელობის მომენტში და საერთოდ მთელს იმ პერიოდში რომელსაც პროკურატურის შეკითხვები მოიცავენ/ეხებიან ზ.გამსახურდია საქართველოს ლეგიტიმური პრეზიდენტი იყო და მის ხელისუფლებას, პირადად მას (ბოლოს კი მის მცირე შეიარაღებულ ჯგუფს) სამოქალაქო ომის პირობებში, ფრონტზე, ბრძოლის ველზე უპირისპირებოდნენ, ებრძოდნენ, დევნიდნენ (ბალტინის რუსი ინტერვენტების მიერ ზურგ გამაგრებული) ე.შევარდნაძის არალეგიტიმური რეჟიმის უკანონო, კრიმინალური სტრუქტურები, შეიარაღებული ბანდები და მათ შორის პროკურატურაც, რომელიც ამჟამად ჩემს დაკითხვას ლამობს (იხ.: 1992 წელს ამ პროკურატურის წამოწყებული საქმე#7492801/#7493846 ზ.გამსახურდიას, ბ.გუგუშვილის, ნ.ბურჭულაძისა და სხვათა წინააღმდეგ).
