„საქართველო უვიზო მიმოსვლითა და ბაზრის გახსნით არაფერს თმობს", - ასე აფასებს „ახალგაზრდული ცენტრის" ხელმძღვანელი ზურაბ ქადაგიძე რუსეთის მხრიდან საქართველოსთვის სავიზო რეჟიმის გამარტივებას. ამის შესახებ ქადაგიძემ„რეპორტიორის" პრესკლუბში გამართულ ბრიფინგზე განაცხადა და აქვე განმარტა, რომ დღევანდელი ხელისუფლების პრაგმატულმა და გაწონასწორებულმა პოლიტიკამ მიიყვანა საქმე იქამდე, რომ საქართველო არ არის ჩართული საერთაშორისო ომებში და რუსეთთან ვითარება გარკვეულწილად დასტაბილურდა.
„აუცილებელია გაწონასწორებული პოლიტიკა. ზუსტად ამ პრაგმატულმა და გაწონასწორებულმა პოლიტიკამ მიგვიყვანა იქამდე, რომ საქართველო არ არის ჩართული საერთშორისო ომსა და ბატალიებში, იგივე უკრაინის მაგალითზე. წინააღმდეგ შემთხვევაში, დღეს რა მდგომარეობაში ვიქნებოდით, კაცმა არ იცის.
არ არის საჭირო პუტინის შემდეგი ქმედებების პროგნოზირება, რადგან ის არის უკონტროლო პიროვნება. ვთანხმდებით, რომ რუსეთი ოკუპანტი ქვეყანაა. მაგრამ, როდესაც პუტინი იტყვის, რომ უნდა დააწესოს საქართველოსთან უვიზო მიმოსვლა, როდესაც იტყვის, რომ საქართველოს აქვს ტერიტორიული მთლიანობის პრობლემა და მან ოსებთან და აფხაზებთან ეს უნდა მოაგვაროს, ეს უნდა გამოვიყენოთ. საქართველო უვიზო მიმოსვლითა და ბაზრის გახსნით არაფერს თმობს", - განაცხადაზურაბ ქადაგიძემ.
