„შეწყალების კომისიის სკანდალურ საქმეზე კომენტარი ამ დრომდე არ გამიკეთებია, რადგან ველოდები გამოძიების დასრულებას", - ამის შესახებ ირმა ინაშვილმა განაცხადა. „პატრიოტთა ალიანსის" ლიდერის თქმით, ამ საქმეში უამრავი კითხვა არსებობს.

„ერთ-ერთი მთავარი კითხვა, რაც მე მაქვს, არის, თუ რატომ მოხდა ამის გასაჯაროება დღეს და არა თავის დროზე, როდესაც ეს მესიჯები იგზავნებოდა. არის ბევრი სხვა კითხვაც და იმის გამო, არ დავაზიანო არცერთი მხარე, არ ვსაუბრობ. კითხვები მაქვს ორივე მხარესთან. თუმცა დღეს თავს ვიკავებ კომენტარისგან", - განაცხადა ინაშვილმა.

ინაშვილს იმედი აქვს, რომ პროკურატურა ადეკვატურად იმოქმედებს და არ გააჭიანურებს გამოძიების პროცესს.