ყოფილი პრემიერ-მინისტრის სოციალური მედიის მენეჯერი ბექა მჭედლიშვილი განცხადებას ავრცელებს, სადაც ირაკლი ღარიბაშვილს მადლობას უხდის და აღნიშნავს, რომ საქართველოს პრემიერ-მინისტრთან გატარებული პერიოდი მისთვის საუკეთესო იყო.
მჭედლიშვილის თქმით, იგი მტავრობის ადმინისტრაციას ტოვებს.
„მე ვიცი რომ ვიმუშავე ადამიანთან რომელიც მეამაყება. მე ვიცი რომ ის ჩემთვის იყო მაგალითი, არის მაგალითი და იქნება მაგალითი. მადლობა ყველა ჩემს თანამშრომელს, დაწყებული დეპარტამენტის უფროსისგან, დამთავრებული იმ ჩემი მეგობრებით, ჩემი თანამშრომლებით რომლებთან ერთადაც ყველაფერი გავაკეთე პირადად მე, რომ რაღაცეები ბევრად უკეთ ყოფილიყო... მადლობა ჩემს პირად უფროსს, რომლისგანაც ბევრი კარგი რამ ვისწავლე... ბევრს მოვყვები იმაზე, რა გააკეთა ირაკლი ღარიბაშვილმა ადამიანებისთვის ისე, რომ ვერავინ ვერ ხედავდა, ბევრს მოვყვები, ოღონდ დღეს არა...
მადლობა ირაკლი ღარიბაშვილს რომ მომცა საშუალება ვყოფილიყავი ჩართული სოლიდარობის ფონდის როგორც პრ-ში, ისე ყოველთვიური შემტანი და ეს უმთავრესია ჩემთვის, მადლობა ირაკლი ღარიბაშვილს რომ მომცა ძალიან კარგი ხალხის გაცნობის საშუალება და მადლობა ირაკლი ღარიბაშვილს ყველაფრისთვის, რაც ჩემი ქვეყნისთვის გააკეთა.
მე ვტოვებ მთავრობის ადმინისტრაციას როგორც თანამშრომელი და ყოველთვის ვიამაყებ იმ წლებით რომელიც აქ გავატარე, იმიტომ რომ ჩვენ მართლა ვზრუნავდით ადამიანებზე. მადლობა ყველას ვინც დაგვაფასა და ბოდიში ყველას, ვინც თვლის რომ იმდენი ვერ გავაკეთეთ რამდენიც საჭირო იყო."- აღნიშნავს მჭედლიშვილი.
