ექსპერტი რამაზ საყვარელიძე ირაკლი ღარიბაშვილის მიერ პრემიერ-მინისტრის პოსტის დატოვებას აფასებს და აღნიშნავს, რომ ღარიბაშვილის გადაწყვეტილება გადადგომის შესახებ დიდწილად წინასაარჩევნო პროცესთან არის დაკავშირებული.

ამის შესახებ საყვარელიძემ "ტელეიმედის" ეთერში განაცხადა.

„მინისტრთა კაბინეტის შეცვლის თემა დიდწილად დაკავშირებულია წინასაარჩევნო პროცესთან. როდესაც ხელისუფლება არ არის ისეთი წარმატებული, როგორიც უნდა იყოს, მაშინ იცვლება ის ხალხი, ვინც ყველაზე გამაღიზიანებლები არიან. სავარაუდოა, რომ ერთ-ერთი ასეთი პიროვნება იყო პრემიერი. ასეთი ცვლილება რომ მომხდარიყო სხვა საუბრის ფონზე, ალბათ მას სხვა პროცესებიც მოჰყვებოდა. მოულოდნელობა ხშირად არის რაღაც პოლიტიკური შედეგებისგან დაზღვევის საშუალება", - განაცხადა რამაზ საყვარელიძემ.