საქართველოს დემოგრაფიული საზოგადოება XXI-ის დირექტორი ზვიად ტომარაძე ირაკლი ღარიბაშვილის პრემიერ-მინისტრის პოსტიდან გადადგომის შესახებ სოციალურ ქსელში განცხადებას ავრცელებს და გადადგომის მიზეზებს განიხილავს.

„პრემიერ-მინისტრის გადადგომა ბევრ კითხვის ნიშანს ბადებს!

რატომ გადადგა სასწრაფო წესით, ახალ წლამდე ერთი კვირით ადრე და რატომ არ ისაუბრა გადადგომის მიზეზზე?

აქ ალბათ ძირითადად სამი ვარიანტია:

1. თუ ეს ყველაფერი მართლაც მომავალ არჩევნებს უკავშირდება, ასეთ შემთხვევაში ყოფილი პრემიერი პარტია ქართული ოცნების სათავეში უნდა ვიხილოთ და მინისტრის პოსტს უნდა დაემშვიდობონ საზოგადოებაში ნდობადაკარგული მინისტრები: თამარ სანიკიძე და პაატა ზაქარეიშვილი;

2. გარკვეულ ძალებს პრემიერის პოსტზე უფრო ლიბერალური იდეოლოგიის გამტარებელი პირის ხილვა სურთ;

3. პრემიერს არ ეპატია განათლების სამინისტროს ახალი საგნის "მე და საზოგადოება" და ანტისახელმწიფოებრივი მიწის კანონის "ჩაგდება". (ამისთვის მადლობა ბ-ნ ირაკლის!) ასევე მნიშვნელოვანია გავიხსენოთ, რომ როდესაც მინისტრის მოადგილე სანდრო ბრეგაძე პატრიარქს გამოესარჩლა და ირაკლი ვაჭარაძეს დაუპირისპირდა, ერთ-ერთმა საელჩომ წერილობით მიმართა პრემიერს და მისი პოსტიდან გათავისუფლება მოსთხოვა!!! ირაკლი ღარიბაშვილისგან კი ცივი უარი მიიღო!

მოკლედ დაველოდოთ, ერთ კვირაში ბევრი რამ გაირკვევა..."- აღნიშნავს ტომარაძე.