„საქართველოს განვითარების ფონდის" დამფუძნებელმა პაატა ბურჭულაძემ „საქართველოს განვითარების ფონდის" პრეზენტაციაზე განაცხადა, რომ ფონდ „იავნანას" აღარ უხელმძღვანელებს.

„რადგან „საქართველოს განვითარების ფონდი" ჩემგან დიდ დროს და ენერგიას მოითხოვს, გავაუქმე ყველა ჩემი გასტროლი საზღვარგარეთ, ფონდ „იავნანას" ხელმძღვანელობა გადავეცი გურამ ახალაიას. თუმცა, ვრჩები გამგეობის წევრად და ფონდის აქტიურ მონაწილედ. რაც შეეხება ფონდს „ივერიისა", უწმინდესთან შეხვედრის შემდეგ გადაწყდა, რომ მახათას მთაზე მშენებლობას გააგრძელებს გამგეობა და ქტიტორთა საბჭო. მე კი მთლიანად გადმოვერთვები „საქართველოს განვითარების ფონდის" საქმიანობაში", - აღნიშნა პაატა ბურჭულაძემ.