„გული გადამწყდა, რომ წავიდა თანამდებობიდან, რადგან არ მგონია, მასზე უკეთ ვინმემ შეძლოს საქმის კეთება", - ამის შესახებ ჯამბულ გამცემლიძემ ირაკლი ღარიბაშვილის გადადგომასთან დაკავშირებით საუბრისას „რეპორტიორს" განუცხადა.
პრემიერის პოსტზე ღარიბაშვილის მოღვაწეობას გიორგი გამცემლიძის მამა პოზიტიურად აფასებს.
„ირაკლი ღარიბაშვილს პირადად ვიცნობ, კარგად ვიცი მისი გონებრივი შესაძლებლობები, ის გონებაგახსნილი, ძალიან ნიჭიერი ბიჭია. დადებითად ვაფასებ მის მოღვაწეობას. რაც მთავარია, კარგი ადამიანი, კარგი მეოჯახე, კარგი ოჯახიშვილი, ნამდვილი ქართველია", - განაცხადა გამცემლიძემ.
რაც შეეხება ახალ პრემიერ-მინისტრს, გამცემლიძეს მიაჩნია, რომ მთავრობის ახალმა მეთაურმა მუშაობა უნდა გაააქტიუროს კორუფციასთან ბრძოლის მიმართულებით. „კორუფცია ყველა დონეზე უნდა დავიდეს ნულამდე, ამიტომ ახალმა პრემიერმა ამ მიმართულებით აქტიურად უნდა იმუშაოს", - განუცხადა „რეპორტიორს" გამცემლიძემ.
