ოზურგეთის მუნიციპალიტეტის გამგებელმა მერაბ ჭანუყვაძემ სოფლის ბიბლიოთეკების ხელმძღვანელებს ახალი წიგნები გადასცა. მუნიციპალიტეტში სულ 10 ბიბლიოთეკა ფუნქციონირებს. გამგეობის მხარდაჭერით, სოფლის ბიბლიოთეკების წიგნსაცავი უკვე მესამედ განახლდა.

„ჩვენ განსაკუთრებულ ყურადღებას ვაქცევთ წიგნიერების განვითარებას მუნიციპალიტეტში. დღეს ახალი წიგნები გადავეცით ბიბლიოთეკებს. ვზრუნავთ ინფრასტრუქტურის მოწყობაზე, ბიბლიოთეკების ინვენტარით უზრუნველყოფაზე. გვინდა, სოფლის ბიბლიოთეკებს დაუბრუნდეს რეალური მკითხველი, ახალგაზრდები დაინტერესდნენ წიგნებით, ამიტომ ვცდილობთ მათთვის შესაბამისი პირობების შექმნას," - აღნიშნა ოზურგეთის მუნიციპალიტეტის გამგებელმა მერაბ ჭანუყვაძემ.