საქართველოს ეროვნულმა ბოტანიკურმა ბაღმა ასოციაცია „ანიკას" შეზღუდული შესაძლებლობის მქონე ბავშვებს უმასპინძლა.

გაიმართა თეატრალური წარმოდგენა „ჯადოსნური ქუდი", ილუზიონისტის შოუ, კონცერტი და მონაწილეთა ფოტოსესია ბოტანიკური ბაღის ულამაზეს ადგილებში. სანტა კლაუსმა და ფიფქიამ ბავშვებს საახალწლო საჩუქრები გადასცეს.

საახალწლო ღონისძიების ჩატარება ქალაქ თბილისის მერიის, შპს „მილკო ფუდის" და ბაკურ სულაკაურის გამომცემლობის მხარდაჭერით გახდა შესაძლებელი.

„მილკო ფუდმა" ბავშვებს საახალწლოდ ჯანსაღი პროდუქტი „ნუგბარ ხაჭო", იოგურტები და ხაჭოს კრემი აჩუქა.

სპექტაკლი „მოგზაურობა წიგნებში", რომელიც მხატვარმა მაგდა რევიშვილმა და მსახიობმა ნიკო კანკიამ შესთავაზეს, დაუვიწყარ წუთებად დარჩება მათ მოგონებებში.