ეკონომისტ გიგლა მიქაუტაძის განცხადებით ირაკლი ღარიბაშვილის გადადგომა საქართველოს პრემიერ-მინისტრის პოსტიდან ინვესტიციების მოზიდვასა და ბიზნესის განვითარებას ხელს არაფერში შეუშლის.
მიქაუტაძემ ეკონომიკური კუთხით საქართველოს პოტენციალი შეაფასა და აღნიშნა, რომ ღარიბაშვილის ნაბიჯა შესაძლოა ინვესტორებს დაანახოს, რომ საქართველოს მართალც ღია მტავრობა ყავს.
„არა მგონია, ღარიბაშვილის გადადგომა ბიზნესისთვის ცუდი სიგნალი იყოს. ამ საფრთხეს ვერ ვხედავ. მმართველი გუნდი, ძირითადი კურსი და ბიძინა ივანიშვილიც რჩება. პირიქით, შეიძლება, რეფორმებისა და ინვესტიციების მოზიდვის მეტი მოლოდინი და დადებითი მოვლენებიც გაჩნდეს. ბიზნესზე ზეწოლა შემცირდა და თითქმის აღარ არსებობს, მაგრამ შემოსავლების სამსახური, ერთგვარად, ზეწოლის ბერკეტად მაინც რჩება. ეს განცდა ბიზნესში უნდა გაქრეს. ეს უნდა იყოს ახალი ფინანსთა მინისტრის ამოცანა. თუ პრემიერი კვირიკაშვილი გახდება, მთავრობის პოლიტიკა პრობიზნესური იქნება და ეკონომიკის უფრო სწრაფად ზრდას უნდა ველოდეთ, ხოლო თუ ეკონომიკის მინისტრის პოსტს გახარია დაიკავებს, ბიზნესთან კომუნიკაცია უკეთესი იქნება, რადგან ის ღია პოლიტიკით გამოირჩევა."- განაცხადა გიგლა მიქაუტაძემ გადაცემაში „2030."
