„უფლებადამცველთა გაერთიანების" თავმჯდომარე ნიკოლოზ მჟავანაძე იუსტიციის საბჭოს მიერ,  ლევან მურუსიძის სააპელაციო სასამართლოს მოსამართლედ არჩევას ეხმიანება და აღნიშნავს, რომ აღნიშნული გადაწყვეტილებით მთელი სამოქალაქო საზოგადოება შეურაცხყოფილია.

„ლევან მურუსიძის არჩევა ეს არის მთელი სამოქალაქო საზოგადოების და ქართველი ხალხის შეურაცხყოფა. ეს გადაწყვეტილება კიდევ უფრო შეასუსტებს საზოგადოების ნდობას სასამართლოსადმი."- აღნიშნავს მჟავანაძე.

ლევან მურუსიძე სააპელაციო სასამართლოს მოსამართლედ აირჩიეს.  მურუსიძემ 11-დან 10 ხმა მიიღო.  ორი წევრი კენჭისყრას არ ესწრებოდა, ლევან მურუსიძემ კი არჩევნებში მონაწილეობა არ მიიღო.

მოსამართლედ დანიშვნისთვის იუსტიციის უმაღლესი საბჭოს წევრთა რაოდენობის 2/3 ხმაა საჭირო. ამ დროისთვის, საბჭოში 14 წევრია.