რეჟისორი რობერტ სტურუა იუსტიციის საბჭოს გადაწყვეტილებას, ლევან მურუსიძის სააპელაციო სასამართლოს მოსამართლედ არჩევასთან დაკავშირებით გადაცემა „პრიორიტეტში" აფასებს.
სტურუას განცხადებით, ლევან მურუსიძეს თავის დროზე არ ეყო ვაჟკაცობა, რომ უსამართლობას წინ აღდგომოდა, ამიტომ დღეს მისი არჩევა 10 წლიანი ვადით სააპელაციო სასამართლოს მოსამართლედ, ძალიან დიდი შეცდომაა.
„უკვე საბჭოთა პერიოდიდან მოსამართლეები არიან მონები პირველი ადამიანებისა, მე ვგულისხმობ ჯერ ცეკას მდივნებს. რასაც უბრძანებდნენ მოსამართლეებს, იმას აკეთებდნენ. სააკაშვილმა ბრძანა, რომ გაამართლეთ მკვლელებიო! და გაამართლა ამ კაცმა. თვითონ ისეთი ვაჟკაცი არ არის, რომ პოსტი დაეტოვებინა.
სასაცილო არ არის ყველაფერი რომ სტალინს გადააბრალოთ? რამდენმა დაწერა ანონიმური წერილები ბინების გამო, რამდენმა „ჩაუშვა" ქართველი. ასე დახვრიტეს უდანაშაულო ხალხი. ეს არის მოვლენა, რომელიც სტალინმა გამოიწვია. ის ხალხი, რომელიც დასვრილია, არ შეიძლება მაინცდამაინც ახლა დააყენო მოსამართლედ."- განაცხადა სტურუამ.
