საპატრულო პოლიციის მიერ მოკლული გიორგი გამცემლიძის მამა, ჯამბულ გამცემლიძე ერთ-ერთ სიუჟეტში, მის ოპოზიციად მოხსენიებას აპროტესტებს და აღნიშნავს, რომ იგი ქუჩაში დახვრეტილი შვილის მამაა, რომელიც სამართლიანობას უკვე მერამდენე წელია უშდეგოდ ითხოვს.
„მე, ჯამბულ გამცემლიძე ვემიჯნები ჩემი სურათის ქვეშ წარწერას- „ოპოზიცია ლევან მურუსიძის წინააღმდეგ"! მე არა ვარ ოპოზიცია, მე ვარ ქუჩაში დახვრეტილი შვილის მამა, რომელიც ვითხოვ ჯალათების შემწყალებელი მოსამართლეების მოშორებას სასამართლო სისტემიდან. მე დღეს ჟურნალისტმა მთხოვა მიმეცა კომენტარი მურუსიძის არჩევასთან დაკავშირებით, ის რაც გავიდა ეთერში ეს იყო ჩემი პირადი მდგომარეობის ახსნა, რაც მე მას იმის მერე უთხარი, როდესაც მურუსიძის არჩევაზე ვისაუბრე, რაც ეთერში გავიდა ეს მე იმის მერე ვთქვი რაც ოპერატორმა თქვა ისაუბრეთ კადრები უნდა ავიღო საუბრისო, თუ „ნაციონალური მოძრაობა" აღიქმება დღეს ოპოზიციად, ჩათვალეთ, რომ მე ოპოზიციად ვერასდროს ვერავინ მომიხსენიებს, იმიტომ, რომ, საჯაროდ ვაცხადებ „მე ისინი ჩემ პირად მტრებად მყავრან აღქმული!"- წერს გამცემლიძე სოციალურ ქსელში.
