ფოტოგრაფმა გიორგი აბდალაძემ „კვირას" განუცხადა, რომ მისი შვილის მდგომარეობა სტაბილურია და მის სიცოცხლეს საფრთხე არ ემუქრება. აბდალაძის განცხადებით, მის შვილს  უცნობი მამაკაცი პეკინის ქუჩაზე დაესხა თავს და  მობილური ტელფონის წართმევა სცადა.

„უცნობი მამაკაცი მას პეკინის ქუჩაზე დაესხა თავს და მობილურის  წართმევა სცადა  და თან ეუბნებოდა მომეცი ლომბარდში უნდა წავიღო და დავალომბარდოო, ამანაც წინააღმდეგობა გაუწია. საპასუხოდ კი, თავმდამსხმელმა დანით ფეხისა და ხელის არეში დაჭრა. საბედნიეროდ, მდგომარეობა რთული არაა და სავარაუდოდ, დღესვე დატოვებს საავადმყოფოს. იმედი მაქვს, გამოძიება დროულად დაადგენს დამნაშავეს და სათანადოდ დასჯის მას", - განუცხადა „კვირას" გიორგი აბდალაძემ.

წყარო - kvira.ge