საქართველოში ამერიკის საელჩო არ ადასტურებს ინფორმაციას, რომ ომარ ალ  შიშანი დააკავეს. რუსული მედიის ინფორმაციით, ალ შიშანი ამერიკულმა სპეცრაზმა დააკავა.

რუსული მედიის ცნობით, ISIS-ის ქართველი მებრძოლი ერაყში კირკუკის პროვინციაში დააკავეს. ამავე ინფორმაციის თანახმად, ალ შიშანთან ერთად ISIS-ის ორი საველე მეთაურიც არის დაკავებული.

შეგახსენებთ, აბუ ომარ ალ შიშანი იგივე თარხან ბათირაშვილი წარმოშობით პანკისელია, ის წლების განმავლობაში ქართულ ჯარში მსახურობდა, შემდეგ  იარაღის უკანონო ტარებისთვის გაასამართლეს, რის შემდეგაც მან საქართველო დატოვა და ISIS-ის წევრი გახდა.