საქართველოს შრომის, ჯანმრთელობისა და სოციალური დაცვის მინისტრობის კანდიდატმა დავით სერგეენკომ კომიტეტის სხდომაზე განაცხადა, რომ საყოველთაო ჯანდაცვასთან დაკავშირებით ბევრი არაკეთილმოსურნე სხვადასხვა პროგნოზებს აკეთებდა, თუმცა პროექტი დღესაც წარმატებით ხორციელდება.

„სამინისტროს მიერ ბევრი მნიშვნელოვანი პროექტი განხორციელდა, რომელიც წარმატებულად ითვლება. მინდა ავღნიშნო, რომ არც ერთ ქვეყანაში C ჰეპატიტთან დაკავშირებით არ არის ისე, რომ სახელმწიფო უზრუნველყოფდეს მათ მთლიან მკურნალობას, თუმცა ამ საკითხის მოგვარება საქართველომ შეძლო. ჩვენ გვაქვს კონკრეტული სამოქმედო გეგმა, თუ როგორ უნდა ვიმუშაოთ მომავალში", - განაცხადა დავით სერგეენკომ.