„მიუხედავად იმისა, რომ უგულავას მიმართ ყოველთვის პატივისცემის განწყობა მქონდა და მაქვს, როგორც ნიჭიერი ადამიანისადმი, მიმაჩნია, რომ მისი შეწყალება იქნებოდა კორუფციისა და კრიმინალის წახალისება", - განცხადებას ანალიტიკოსი არჩილ გამზარდია სოციალურ ქსელში აკეთებს:

„თხოვნაში ცუდი არაფერია, ციხისთვის მხოლოდ ყველაზე სასტიკი კრიმინალი თუ არ მენანება, დანარჩენი ყველა.

ასეთივე წარმატებით შეგვიძლია ვითხოვოთ იმ ადამიანის შეწყალებაც, რომელიც მუდმივი პატიმრობით ზის ციხეში ბუშთან დაკავშირებული ინციდენტის გამო, არც ამაშია არაჰუმანური არაფერი... მაგრამ... მე გიგი უგულავას შეწყალების მთხოვნელთა შორის მაინტერესებს, რატომ არ ითხოვდნენ ისინი თუნდაც სულხან მოლაშვილის შეწყალებას თავის დროზე, რომელსაც არაადამიანურად ექცეოდნენ და ბევრი სხვა შემთხვევის დროსაც. ამიტომ მგონია, რომ ეს სია მნიშვნელოვნად შეიცავს ან გამოყენებით ან ყალბ დამოკიდებულებებს და ძველი ხელისუფლების პარტიული სულისკვეთებით არის გაჯერებული.

მინდა ვთქვა, რომ ვანო მერაბიშვილიც ძალიან ნიჭიერი ადამიანია, ბაჩო ახალაიაც, მათი შეწყალებაც მოითხოვონ მავანმა.

ეს არასწორია, ეს შეცდომაა, ძალიან დასანანია, მაგრამ ადამიანი, რომელიც მინიმუმ იმისათვის უნდა იყოს პატიმრობაში, რომ მერია პარტიულ შტაბად აქცია და სახელმწიფო თანხებს პარტიული ინტერესებით იყენებდა.

ძალიან კარგად მესმის, რომ ნარმანიას ფონზე გიგი უგულავა ნამდვილად ბევრად ეფექტური, შთამბეჭდავი და პერსპექტიული იყო, მაგრამ იმ ფაქტებს ვერ ავუვლით, რაც სამწუხაროდ ამ ადამიანმა მერობის ჟამს დააშავა.

მხარს ვუჭერ პრეზიდენტის საღ პოზიციას ყოფილ მერთან მიმართებაში, რადგან, სამწუხაროდ, გიგი უგულავას შეწყალება, ეს არის არასწორი. ეს არის კორუფციისა და კრიმინალის ხელშეწყობის მოთხოვნა", - წერს გამზარდია.

პრეზიდენტის პასუხი უგულავას შეწყალებასთან დაკავშრებით:

http://reportiori.ge/?menuid=4&id=85287&lang=1

მოამზადა სალომე ჯანდიერმა