ნაძალადევის რაიონის გამგეობამ საბიუჯეტო შესრულება წარადგინა. 2015 წლის შესრულების პროცენტული მაჩვენებელი 98.1% შეადგენს.

„ნაძალადევის რაიონის 2015 წლის საბიუჯეტო შესრულება 98.1%-ს შეადგენს, რაც უპრეცედენტოა არამარტო ამ რაიონისთვის. ციფრებზე უფრო მნიშვნელოვანი არის ის დიდი სამუშაოები, რაც ნაძალადევში ჩავატარეთ. მადლობა ღმერთს და მადლობა ყველას ვისაც წვლილი აქვს ამ ყველაფერში!" - განაცხადა ნაძალადევის რაიონის გამგებელმა ზაზა გაბუნიამ.

წლის განმავლობაში ნაძალადევის რაიონში 45 ქუჩა მოწესრიგდა, რაც საერთო ჯამში 110 000 მ/კვ-მდე შეადგენს. რაიონში მცხოვრებ 30 013 მოქალაქეს გაეწია სხვადასხვა სახის სოციალური მომსახურება. რაიონში არსებული 700-ზე მეტი ამხანაგობიდან 315 ამხანაგობაში განხორციელდა 500-მდე სამუშაო მოქალაქეთა საცხოვრებელი გარემოს გუმჯობესების მიზნით. მოეწყო სპორტული მოედნები, აშენდა საყრდენი კედლები, მოეწყო კიბეები, გარემონტდა დაზიანებული სახურავები. ნაძალადევის რაიონში საქართველოში პირველი შშმ პირებისათვის ადაპტირებული გასართობი მოედანი მოეწყო. საფუძველი ჩაეყარა საფეხბურთო ტურნირს „თბილისის ზღვის თასი". ჩატარდა სხვადასხვა საბავშვო გასართობი და კულტურული ღონისძიებები.