გასულ 2015 წელს უსაფრთხოების თვალსაზრისით დადებითად აფასებს პარლამენტარი თამაზ მეჭიაური. ამასთან ამბობს, რომ ეკონომიკური კუთხით ქვეყნისთვის რთული წელიწადი იყო.
„მე და ჩემი შუათანა ბიჭი ვცხოვრობთ ერთად, ახალ წელს ერთად ვხვდებით და მერე გავდივარ შვილიშვილებთან. მეორე დღეს მივდივარ თიანეთში.
2015 წელი კარგი წელი იყო. მიუხედავად გარშემო არსებული საფრთხეებისა, საქართველომ უსაფრთხოდ გაიარა ბეწვის ხიდზე. ეკონომიკური თვალსაზრისით კი რთული წელი იყო, საგარეო ფაქტორებმა ასახვა პოვა ჩვენს ეკონომიკაზე, ლარის კურსზე. ანუ, 2015 წელს უსაფრთხოების თვალსაზრისით დადებითად ვაფასებ, ეკონომიკური თვალსაზრისით - უარყოფითად.
მომავალ წელს, ვიმედოვნებ, რომ დიდ სახელმწიფოებს ეყოფათ გონიერება, დარეგულირდეს დაძაბული ვითარება. მერე ეკონომიკური აღმავლობაც იქნება და ყოველივე დალაგდება", - განუცხადა „რეპორტიორს" მეჭიაურმა.
