„ყველაფერს გავაკეთებ, რომ 2016 წელს უფრო მეტი ღიმილიანი სახე იყოს საქართველოში", - ამბობს დეპუტატი ანი მიროტაძე. წლევანდელ ახალ წელსაც ისეთი ემოციებით და მოლოდინით შეხვდა, როგორითაც ბავშვობაში ხვდებოდა.
„ახალ წელს მოაქვს ახალი ენერგია, ახალი გამოწვევები, ახალი სიკეთეები, ახალი სირთულეებიც, მაგრამ ყოველთვის მხნედ ვხვდები ყველა ახალ წელს და ვამბობ, რომ მზად ვარ გამოწვევბისთვისაც და ბედნიერებისთვისაც", - განაცხადა მიროტაძემ.
დეპუტატი ახალ წელს ყოველთვის სახლში ხვდება. „აუცილებლად ვხვდები სახლში, რადგან სახლი ჩემი ციხესიმაგრეა და მიმაჩნია, რომ ახალი წლის შესახვედრად სახლი საუკეთესო გარემოა. დედაჩემი ამზადებს საახალწლო სუფრას, მეც ვეხმარები. მიყვარს სახლის მყუდრო გარემო და სითბო...
კიდევ ერთი ტრადიცია მაქვს - ყველა წელს ვეუბნები მადლობას, რადგან ცოცხალი ვარ, ჯანმრთელად და ენერგიულად ვარ. ზოგადად, არ ვოცნებობ და პრაგმატულად ვუდგები სურვილებს. მიმაჩნია, რომ ყველაფერი იქნება ისე, როგორც დაგეგმავ", - ამბობს პარლამენტარი „რეპორტიორთან" საუბრისას.
