გარდაცვლილი მსახიობის კოტე თოლორდავას მეუღლის - განო მელითაურის წერილი:
"ჩემო სიცოცხლეო!!! სანუკვარო!!! ყველაზე ნიჭიერო, შეყვარებულო ნათელო ათინათო!!! ჩემო დღესასწაულო, სევდავ, სიბრძნევ!!! ჩემი სხეულის და სულის განუყოფელო, ჩემო მფარველო!!!
ნუ გეშინია! დროის ქარტეხილები ვერაფერს დაგვაკლებენ! ჰო, ბედისწერავ! შენ გეუბნები! სადაც არ უნდა წაგეყვანათ, იმას, რასაც მის მიმართ განვიცდი განზომილების საზღვრები ვერაფერს დააკლებს! ვერც გარდაცვალება მოერევა!
რამდენი პირობითი წელიც არ უნდა დამრჩეს დედამიწაზე, რამდენჯერაც არ უნდა მატკინონ გული მაინც ავდგები! აირევიან ამინდები, მაგრამ გპირდები, წელში გავიმართები, შენს საყვარელ სამოსში გამოვეწყობი და აუცილელად, აუცილებლად გიპოვნი!
გპირდები, ზუსტად ისე გავზრდი ჩვენს შვილებს, როგორც ერთად ვოცნებობდით - ვასწავლი მთავარს - რას ნიშნავს მეორე ადამიანის სიყვარული!
თქვენ კი მეგობრებო, ყველას განურჩევლად თქვენი ასაკისა, სქესისა, ჩემს მიმართ დამოკიდებულებისა, გისურვებთ ისე მაგრად გაგიმართლოთ ცხოვრებაში, როგორც მე და კოტე თოლორდავას გაგვიმართლა! ჩემგან საჩუქრად, ყველაზე ქარიზმატული სანტა თქვენ!", - წერს განო მელითაური სოციალურ ქსელში.
