საქართველოს კალათბურთელთა ეროვნული ნაკრების კაპიტანი ზაზა ფაჩულია, სოციალურ ქსელ facebook-ის მეშვეობით ქართველებს ახალ წელს ულოცავს და მადლობას უხდის მათ, ვინც ერთი ხმით მაინც მისი ოცნების ახდენას უწყობს ხელს. შეგახსენებთ, ზაზა ფაჩულია მონაწილეობას იღებს გამოკითხვაში, რომელმაც NBA-ს სასტარტო ხუთეულების წევრები უნდა დაასახელოს.
"სრულიად საქართველოს გილოცავთ 2016 წელს! ახალი 2016 წელი ყოფილიყოს თქვენთვის სიხარულის, ბედნიერების და წარმატების მომტანი. ყველას ძალიან დიდ მადლობას გიხდით თანადგომისთვის და ასეთი მხარდაჭერისათვის! თქვენი თითოეული სტატუსი უდიდეს ენერგიას და სტიმულს მაძლევს. დიდი მადლობა ყველას, ვინც ერთხელ მაინც მომცა შანსი და მომცა ხმა, რომ ოცნება ავიხდინო და ჩემი გუნდის და ჩემი ქვეყნის სახელით ვითამაშო All Star-ის თამაში", - წერს ზაზა ფაჩულია.
