„BBC"-ის მიერ გავრცელებული ინფორმაციით, ამერიკელმა ბიზნესმენმა, რესპუბლიკელების პრეზიდენტობის კანდიდატმა დონალდ ტრამპმა მისისიპის შტატში სიტყვით გამოსვლისას ქვეყნის პრეზიდენტი ბარაქ ობამა ექსტრემისტული დაჯგუფება „ისლამური სახელმწიფოს" შექმნაში დაადანაშაულა.

დონალდ ტრამპი ანალოგიურ ბრალდებას ყოფილ სახელმწიფო მდივან ჰილარი კლინტონსაც უყენებს.

„მათ შექმნეს „ისლამური სახელმწიფო". ჰილარი კლინტონმა ეს ბარაქ ობამასთან ერთად გააკეთა. დიახ, ობამასთან ერთად", - განაცხადა ტრამპმა.

ბიზნესმენს არ დაუკონკრეტებია, როგორ შექმნეს მათ „ისლამური სახელმწიფო".