საქართველოში ყინვები რამდენიმე დღე შენარჩუნდება. სინოპტიკოსების განცხადებით, 5 იანვრიდან გამოიდარებს.

„დასავლეთ საქართველოს უმეტეს და აღმოსავლეთ საქართველოს ზოგიერთ რაიონში ნარჩუნდება თოვლი. ღამის ტემპერატურა ისევ მინუსებშია, ხოლო დღის ტემპერატურა დასავლეთში არის პლიუს 1-6 გრადუსი, აღმოსავლეთში მინუს 3 გრადუსი. თბილისში ღამე ისევ მინუსებშია ტემპერატურა, მინუს 7 ველოდებით ამაღამ, ხვალ კი 0 გრადუსი იქნება ტემპერატურა. შედარებით დათბება 5 იანვრიდან," - განაცხადა „კურიერთან" გარემოს ეროვნული სააგენტოს სინოპტიკოსმა დავით ლოლაძემ.