როცა შემდეგში კვერცხს გატეხთ, აუცილებლად მიაქციეთ ყურადღება იმას, რა ფერის გული აქვს. შესაძლოა, ეს არ იცოდეთ, მაგრამ სინამდვილეში კვერცხის გული ღია ყვითელი არ უნდა იყოს.

როცა კვერცხს მივირთმევთ, ალბათ, ყველას წარმოგვიდგენია ქათამი, რომელიც ეზოში სეირნობს, შუალედებში მიირთმევს დელიკატესებს ჭიაყელების სახით და ძირითადად კი, ხორბლით იკვებება.

სამწუხაროდ, კვერცხის უმეტესობას, რომლებსაც მაღაზიებში ვყიდულობთ, დებენ ქათმები, რომლებიც 24 საათი დახურულ უზარმაზარ საქათმეში იმყოფებიან, იშვიათად გადიან მზეზე და თითქმის არასოდეს არიან სუფთა ჰაერზე.

თუკი კვერცხს მაღაზიაში ყიდულობთ, ალბათ, ყველაზე ხშირად მთავარ ფოტოზე შუაში მდებარე კვერცხის გული გხვდებათ. მაღაზიის კვერცხის უმეტესობას ღია ყვითელი შეფერილობა აქვს. ეს კი იმას ნიშნავს, რომ ქათამი, რომელმაც ის დადო, ჭამდა სპეციალურ კომბიკორმს და თითქმის მთელ დროს საქათმეში მჯდომარე მდგომარეობაში ატარებდა.

იდეალური, ჯანმრთელი კვერცხის გული მუქი ნარინჯისფერია. თუკი ასეთი კვერცხი შეგხვდათ, დარწმუნებული იყავით, რომ ჯანმრთელ პროდუქტს მიირთმევთ, - ამბობს ENC-ის ჯანმრთელი კვების ცენტრის დირექტორი ჰილარი ტესმანი.

http://www.marao.ge/sakithkhavi/siakhle/11170-ra-feris-unda-iyos-janmrtheli-kverckhis-guli.html