ქობულეთის სოფელ გვარაში თოვლმა სასოფლო-სამეურნეო დანიშნულების სამი სათბური გაანადგურა. ორ ჰექტარ ტერიტორიაზე განთავსებულ სათბურებში იანვრის ბოლოს კიტრის და პომიდვრის მოსავალი უნდა აეღოთ.

უკრაინული კომპანიის V&T AGRO-ს თანამშრომელმა ნუგზარ რომანაძის განცხადებით, პირველადი დათვალიერებით ზარალი ორ მილიონ დოლარს აღწევს.

„წუხელ ღამით დაიწყო თოვა, ვეღარ გაუძლო კონსტრუქციამ და დაინგრა. იანვრის ბოლოს უნდა აგვეღო მოსავალი. 99%-ით განადგურებულია სათბურები. ორ მილიონ დოლარამდე ზარალი გვაქვს", - განაცხადა ნუგზარ რომანაძემ.