სამეგრელო ზემო სვანეთის გუბერნატორის ლევან შონიას ინფორმაციით, ცენტრალურ მაგისტრალებზე გადაადგილების პრობლემა პრაქტიკულად, არ არის.

მისი განცხადებით, გზები გაწმენდილია და მიუხედავად იმისა, რომ ამინდი კვლავ ფუჭდება, პრობლემა არ შეიქმნება; ადგილობრივი მუნიციპალიტეტები „ენერგო პროსთან" ერთად, 24 საათიან რეჟიმში მუშაობენ.

„ამ დროისთვის, ჩხოროწყუში 100 აბონენტია გათიშული. აბაშაში, გუშინ, პრობლემა არ შექმნილა. მცირე გათიშვები იყო, მაგრამ დენის მიწოდება სწრაფად აღდგა. ამჟამად, 100-მდე აბონენტია დენის გარეშე დარჩენილი. ზუგდიდში 800 მდე აბონენტს არ მიეწოდება ელექტროენერგია. მარტვილში დაზიანების კერებს ეძებენ, სადაც 700-მდე აბონენტს შეუწყდა დენის მიწოდება. წალენჯიხაში 500-მდე აბონენტს დენის მიწოდება დღის ბოლომდე აღუდგება. ახლა, ამინდი კვლავ ფუჭდება, მაგრამ ჩვენ პრობლემა არ გვაქვს. ადგილობრივი მუნიციპალიტეტები „ენერგო პრო ჯორჯიასთან" ერთად, 24 საათიან რეჟიმში ვმუშაობთ. ცენტრალურ მაგისტრალებზე გადაადგილების პრობლემა პრაქტიკულად არ არის, გაწმენდილია გზები. ამას გარდა, დაფიქსირდა ხეების მოჭრის ფაქტი, სადაც განლაგებული იყო ელექტროენერგიის გადამცემი ანძები. სამართალდამცავები დაადგენენ, ეს ხეები შეგნებულად მოიჭრა, თუ მათი დაზიანება სტიქიის შედეგად მოხდა", - განაცხადა ლევან შონიამ.