სალომე ზურაბიშვილი მეტროსადგური „დელისის" მიწისქვეშა გადასასვლელში უპოვარი მოხუცის გარდაცვალებას ეხმაურება და აღნიშნავს, რომ თბილისის მასშტაბების გათვალისწინებით, შესაძლებელია უპოვართა თავშესაფრების გამრავლება, რათა ადამიანები ყინვამ არ შეიწიროს.

„ჩამოვდივარ ამ ღამით იმ „თბილ-ქალაქში" სადაც გუშინ ღამით ადამიანი გარდაიცვალა მარტო, სიცივესა და ყინვაში.... მოვდივარ ამერიკა-ევროპიდან და კარგად ვაცნობიერებ, რომ ასეთი ტრაგედიები სხვაგანაც ხდება, თუმცა ვისურვებდი ამ ახალ წლის შემოსვლისას ასეთი შეურაცხყოფელი მოვლენები აღარ დაგვეშვა... ბოლოს და ბოლოს პატარა ქვეყანაში არც ისე რთულია საჭირო დაწესებულებეის და დახმარების პუნქტების დაწესება იმისათვის, რომ თბილისმა თავისი სახელი დაიბრუნოს, ჩვენ კი ღირსება!"- აღნიშნავს ზურაბიშვილი.