„საქართველოს რკინიგზის"  საზოგადოებასთან ურთიერთობის სამსახურის უფროსი დაჩი ცაგურია გუშინ, დელისის მეტროს გადასასვლელში მამაკაცის გარდაცვალების ფაქტზე საზოგადოების მხრიდან გამოწვეულ აჟიოტაჟს სოციალურ ქსელში ეხმაურება.

„ძალიან გთხოვთ ყველას ვინც ნახავთ ქუჩაში უსახლკაროს აცნობეთ 112-ს. ტყუილია, რომ თავშესაფარი არ არსებობს. დიახ, პირველად, „ქართული ოცნების" სახელისუფლებო გუნდმა გააკეთა თავშესაფარი ჩვენს დედაქალაქში, ჩვენ უნდა დავეხმაროთ უსახლკაროებს, როდესაც ვნახავთ, ან მანქანაში ჩავსვათ და მივიყვაოთ ან ტაქსი გამოვუძახოთ, ან 112-ზე დავრეკოთ და არ დავტოვოთ ქუჩაში არავინ! გთხოვთ შეცდომაში არ შევიყვანოთ საზოგადოება და ისედაც უამრავი პრობლემით დამძიმებულებს ტყუილებით და არასწორი ინფორმაციით ნუ დავტვირთავთ", - წერს დაჩი ცაგურია.

როგორც მოგვიანებით გაირკვა, 70 წლამდე მამაკაცი არა ყინვისა და თავშესაფრის არ ქონის, არამედ გულის შეტევით გარდაიცვალა.