ბაღებში ასაკობრივი კატეგორიების მიხედვით ჯგუფების ჩამოყალიბების წესს, ბავშვებისა და აღმზრდელების რაოდენობას კანონი დაარეგულირებს. კანონპროექტი პარლამენტში უკვე ინიცირებულია.

ცვლილებების მიხედვით, 2-დან 3 წლამდე ბავშვების ჯგუფში შეიძლება იყოს არაუმეტეს 25 ბავშვი, 3-დან 5 წლამდე და სასკოლო მზაობის პროგრამის ჯგუფებში კი არაუმეტეს 30 ბავშვისა.

ბაგა-ბაღების მართვის სააგენტოს ინფორმაციით, აღსაზრდელთა ჯამური რაოდენობა თბილისში 55 615-ია.

ეკა ბესელიასა და გედევან ფოფხაძის მიერ ინიცირებული კანონპროექტი ძალაში 2020 წლის 1-ელ სექტემბერს შევა. მანამადე, სავარაუდოდ, ბაღების რაოდენობის გაზრდაზე მუშაობა უნდა დაიწყოს.