რუსეთის ერთ-ერთი მაღალრეიტინგული ტელეკომპანია СТС-ის ჟურნალისტებმა საქართველოს ტურისტული მიმართულებების შესახებ გადაცემა მოამზადეს. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის მოწვევით, ტელეკომპანიის გადაცემა Руссо Туристо-ს გადამღები ჯგუფის წევრებმა საქართველოს სხვადასხვა კუთხეები მოინახულეს. ჟურნალისტებმა თბილისის, გუდაურის, სტეფანწმინდის, მცხეთისა და ყვარლის ღირსშესანიშნაობები გადაიღეს.
ჟურნალისტებმა დაათვალიერეს ნარიყალა. ერთ-ერთი მათგანი ქართულ ანსამბლ "რუსთავის" რეპეტიციას დაესწრო, სადაც ქართული ფორმა ჩაიცვა და რამოდენიმე ილეთი ისწავლა.
"თუ ვინმეს ჰგონია, რომ ქართული ცეკვის სწავლა იოლია, ცდება" - ამბობს ჟურნალისტი.
ერთ-ერთმა ჟურნალისტმა ხინკლის გასინჯვა გადაწყვიტა:
"ერთადერთი, რაც ხინკლის შესახებ ვიცი, ეს ისაა, რომ ხინკალი გიგანტური პელმენია", - ამბობს ჟურნალისტი.
მან აგრეთვე მოინახულა ყვარელი, სადაც ჩურჩხელას ამოვლება და შოთის ჩაკვრა ისწავლა.
წყარო: Ipress.ge
