თურქეთის ქალაქ სტამბოლში საქართველოდან კონტრაბანდული გზით გატანილი ჰოლანდიელი მხატვრის ენტონი ვან დეიკის ნახატი აღმოაჩინეს.

არსებული ინფორმაციით, მანამდე 14-მილიონიანი ნახატი საქართველოში სავარაუდოდ, რუსეთიდან შეიტანეს, რუსეთში კი ევროპიდან.

თურქული მედიის ცნობით, ნახატის არალეგალურად გაყიდვას ორი ბიზნესმენი ცდილობდა. ისინი დაკავებულები არიან. მათ ცვენება უკვე მისცეს. როგორც ბრალდებულები ამბობენ, ნახატი საქართველოში, 2 000 დოლარად შეიძინეს. მათივე მტკიცებით, ტილოს ორიგინალობის დადგენის მიზნით ექსპერტიზაც საქართველოში ჩაუტარდა.

ბიზნესმენები სტამბოლის ერთ-ერთ სასტუმროში მაშინ დააკავეს, როცა ნახატის რეალიზაციას ცდილობდნენ. ტილოს გაყიდვა 14 მილიონ ლირად იგეგმებოდა.