„ფილმში მოთხრობილი არა ერთი მოვლენის უშუალო მონაწილე ვარ პირადად მე. გამოყენებულია კადრები ჩემი არქივიდან - ასევე ჩემი ინტერვიუ საქართველოს მეორე პრეზიდენტთან", - ჟურნალისტი კოკა ყანდიაშვილი ედუარდ შევარდნაძის მემუარების მიხედვით გადაღებულ ფილმთან დაკავშირებით სოცუალურ ქსელში შეფასებას აკეთებს და ხელისუფლებას მიმართავს:

„პირველი ფილმი ედუარდ შევარდნაძის მემუარების მიხედვით.

"წამი, წამება, წამიერება..."

ჩვენი ცხოვრების დიდი ნაწილია მოთხრობილი ამ ფილმში. მთხრობელი კი ის ადამიანია, რომელიც საქართველოს თითქმის 30 წელი მართავდა. იმ 7 წლის გამოკლებით, როდესაც სსრკ-ს საგარეო საქმეთა მინისტრი იყო.

მე ვუწევ რეკომენდაციას ამ ფილმს და გთავაზობთ, მოკალათდეთ ეკრანებთან და ნახოთ ეს ფილმი.

პ.ს. კრწანისის რეზიდენცია, სადაც შევარდნაძეა დაკრძალული, დღემდე სახელმწიფოს ბალანსზეა. მინდა ვთხოვო დღევანდელ საკანონმდებლო და აღმასრულებელ ხელისუფლებას - ეგებ თქვენ მაინც დააყენოთ საშველი საკითხს - რომელიც ჩვენი ქვეყნის პირველი პირებისა და მათი ოჯახის წევრების მდგომარეობას განსაზღვრავს - ვადის ამოწურვისა ან და გარდაცვალების შემდგომ პერიოდში. გამსახურდია, შევარდნაძე, სააკაშვილი, ივანიშვილი, ღარიბაშვილი - მალე მარგველაშვილიც... მიიღეთ წესიერი, ღირსეული კანონი. ყველა პირველმა პირმა - რომელიც დღეს ქვეყანას განაგებს, იცის ამ პრობლემის არსებობის შესახებ - ასეთი გადაუწყვეტელი რა არის?", - წერს კოკა ყანდიაშვილი.