ჟურნალისტი ნინო მიქიაშვილი რატი ამაღლობელის „პიეტაზე" სოციალურ ქსელში საკუთარ მოსაზრებას ახმოვანებს:
„შუაშისტები არ მიყვარს. ადამიანი ან აქეთ უნდა იდგეს, ან იქით. ვინც იქით დადგებით, მეგობრებიდან ამომშალეთ. ჩემს რეალურ მეგობრებში რატი ამაღლობელის და მისი შემოქმედების თაყვანისმცემლები საბედნიეროდ არ არიან და ამიტომ მოგმართავთ თქვენ - ჩემს ვირტუალურ მეგობრებს. ალბათ, იცით, რომ ადამიანი გარდაიცვალა მიწისქვეშა გადასასვლელში. ამაღლობელმა, არც აცია, არც აცხელა და ლექსი უძღვნა და რა დაარქვა იცით?! - „მიწისქვეშა გადასასვლელში პატრიარქი გაიყინა, საკუთარ დაბადების დღეზე გაიყინა". ძალიან ვიკავებ თავს რომ არ დავწერო ის, რაც ამ სიტყვების ავტორს ეკუთვნის.
აღარ იციან საიდან როგორ ავნონ პატრიარქს, ხან ლექსით, ხან შეურაცხმყოფელი განცხადებებით, ხან აქციით. ამას აკეთებს გარეულიც და შინაურიც(!). ერთ მშვენიერ დღეს მართლა აივსება ჩვენი (ჩემნაირ ადამიანებს ვგულისხმობ) მოთმინების ფიალა და ვაი მერე ამაღლობელს და მისთანებს, როგორც ერში, ისე ბერში", - წერს ნინო მიქიაშვილი.
