საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას წმინდა დავით მეფის ცხოვრებაზე იქადაგა.

უწმინდესმა ქადაგებისას ბრძანა, რომ დავით მეფის ბრძოლა გოლიათთან და მისი გამარჯვება საქართველოს სიმბოლოა.

„თქვენ იცით, რომ დავით მეფეს ჰქონდა ბრძოლა გოლიათთან - ამ უზარმაზარ კაცთან. გოლიათის მხარეს იყო ჯარი და ფიზიკური ძალა, ებრაელების მხარეს იყო სიმართლე და მადლი ღვთისა და დავითმა გაიმარჯვა. ეს არის სიმბოლო საქართველოსი. მრავალი განსაცდელი ჰქონდა საქართველოს, მაგრამ საქართველო გადარჩა და მომავალშიც გადარჩება, გადარჩება და გამარჯვებული იქნება ღვთის მადლით", - ბრძანა ილია მეორემ.