ჟურნალისტი ირაკლი შონია პოეტ თინათინ მღვდლიაშვილს მიმართავს:

„იმ დღეს მაიკომ დაგიწერათ „შენ ხარ პირველი ამ არისტოკრატთა შორისო" და დავამატებდი თქვენ ხართ ჭეშმარიტი ინტელიგენტი, სახალხო და მებრძოლი პოეტი, რომელიც ემსახურებით საქართველოს და თქვენი ქვაკუთხედი დადეთ ეროვნულ განმათავისუფლებელი მოძრაობის ისტორიაში!"- მიმართვს შონია პოეტს.

აქვე გთავაზობთ მღვდლიაშვილის ლექსს, რომელიც პოეტმა გალაკტიონ ტაბიძეს მიუძღვნა:

პოეზია

გ ა ლ ა კ ტ ი ო ნ ს

წუხელ ვმწუხარებდი,--სიტყვა მომეძია...

ო, ეს პოეზია! -- ზურგში სატევარი!..

შვენის პოეზიას ლურჯი ჰორტენზია,

როგორც ღამეული შავი საფერავი!..

მზერა -- კამარიდან, ქალი -- ქარაფიდან...

ურცხვად ნამზეური თეთრი ჩქერალები!..

უცხოდ მონაბერი ქარი ქალაქიდან...

ზესკნელს აზიდული მზეებრ მწვერვალები!..

მთები -- მშვენიერი, ფრთები -- შენმიერი...

ლურჯა ცხენებისგან არე გაქაფული!..

ერი -- იისფერი თოვლით ნებიერი,

გზები -- კოსმიური გზნებით გაკაფული!..

ოდენ არტისტული ლექსთა შერკინება.

ზევსთა შეჯიბრება ზესთა სონეტებით!..

არისტოკრატული ზღვაა პოეზია,

არისტოკრატები -- დიდი პოეტები!..

თინათინ მღვდლიაშვილი

2008 წელი