რა ხდება „ქართულ ოცნებაში", როცა არჩევნებისთვის მზადება მიმდინარეობს? - ამ თემაზე „კვირის ქრონიკას" საპარლამენტო უმრავლესობის წევრი ომარ ნიშნიანიძე ესაუბრა. მისი თქმით პარლამენტში იგივე ხალხი არ დარჩება:
„ბუნებრივია, პარლამენტში იგივე ხალხი არ დარჩება, ყოველშემთხვევაში, ნაწილი შეიცვლება. ზოგს ბიზნესი აქვს, ასეთებისთვის წასვლა უკეთესიც კი იქნება, დაისვენებენ. თუმცა ზოგს მიაჩნია, რომ სულ პარლამენტში უნდა იჯდეს და ამისთვის არის დაბადებული. გააჩნია, ზოგი წავა თავისი ნებით, ზოგს ურჩევენ, ზოგი დარჩება და ასე შემდეგ. მე ყოველთვის იმის მომხრე ვარ, რომ ადამიანებს ღვაწლი არ დავუკარგოთ, 2012 წელს თითებზე ჩამოსათვლელები ბედავდნენ ბიძინა ივანიშვილთან მისვლას. გაიხსენე, ბევრი ბედავდა „ქართული ოცნების" ოფისში მისვლას? აი, მერე და მერე კი... როდესაც მიხვდნენ, რომ მოგება შეიძლებოდა, ხალხი უკვე უხვად იყო", - ამბობს ომარ ნიშნიანიძე.
მოამზადა სოფო ხუგოიანმა
წყარო: კვირის ქრონიკა
