ყოვლადწმინდა სამების ტაძარში ამ წუთებში ბავშვებისათვის პარაკლისი აღევლინება. პარაკლისის დაწყებამდე სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ  ტაძარში შეკრებილ მრევლს მცირე ქადაგებით მიმართა და განაცხადა, რომ ხუთშაბათს, 14 იანვარს, 17:00 საათზე, სიონის საკათედრო ტაძარში საახალწლო პარაკლისს გადაიხდის.

„მშვიდობა და სიხარული სუფევდეს ქვეყანასა ზედა", - განაცხადა უწმინდესმა ქადაგებისას.

პატრიარქმა ტაძარში შეკრებილებს შობა-ახალი წელი მიულოცა და დალოცა.

დღეს ტაძარში გამოაბრძანებენ დავით გარეჯელის „მადლის ქვას" და წმინდა გიორგის მუხლის წმინდა ნაწილს. პატრიარქი დალოცავს პატარებს და პარაკლისს გადაიხდის.