საქართველოს პრეზიდენტმა სტამბულში მომხდარი ტერორისტული აქტი დაგმო:
„მტკიცედ ვგმობ, დღეს, სტამბულის ცენტრში, ტურისტულ რაიონში, სულთანმეჰმეთის მოედანზე მომხდარ ტერორისტულ აქტს, რომელმაც უდანაშაულოთა სიცოცხლის მოსპობა და მრავალი ადამიანის დაშავება გამოიწვია. საერთაშორისო საზოგადოებასთან ერთად ინტენსიური თანამშრომლობით, საქართველო განაგრძობს საკუთარ ძალისხმევას თანამერდოვე მსოფლიოს უდიდესი საფრთხის წინააღმდეგ ბრძოლაში. ქართველი ხალხი თანაუგრძნობს და დგას მეგობარი თურქი ერის გვერდით. ვუსამძიმრებ დაღუპულთა ოჯახებსა და ახლობლებს", - ნათქვამია საქართველოს პრეზიდენტის განცხადებაში.
"როიტერსის" ცნობით, სტამბოლის ცენტრში აფეთქება შესაძლოა, "ისლამურმა სახელმწიფომ" განახორციელა. ინფორმაციას თურქეთის სამართალდამცავი უწყებები ავრცელებენ.
თურქეთის პრეზიდენტის, რეჯეფ თაიფ ერდოღანის თქმით თავდასხმა სავარაუდოდ, სირიელმა ტერორისტმა განახორციელა.
"სულთანაჰმედის" მოედანზე დღეს დილით მომხდარი აფეთქების შედეგად სულ მცირე 10 ადამიანი დაიღუპა, 15 კი დაშავდა.
